Segismundo García é un comercial vido a menos que cre atopar o negocio da súa vida: a venda de búnkeres low- cost para as clases máis humildes, unha promesa de salvación para todos os petos ante o temido colapso global. Pero Segismundo non está no seu mellor momento persoal nin económico e mantén unha relación problemática co seu fillo e co seu pai. Son tres xeracións de pillabans obsesionados co ascenso social, destinados a estrelarse unha e outra vez.
Lugar seguro desenvólvese durante vinte e catro horas nas que acompañamos a Segismundo nas súas visitas comerciais e na súa particular procura dun tesouro que podería resolver os problemas familiares. No seu percorrido, confronta a súa visión pesimista e sarcástica coa dalgúns colectivos que coas súas accións defenden que un mundo mellor é posible.