Julieta e a súa nai chegan a Sabina a pasar as vacacións. Aos seus once anos esa aldea perdida parécelle a Julieta o mellor lugar para deixar atrás problemas aos que non sabe poñer nome. Ese verán eterno cheo de primeiras veces, descubrirá que os cimentos do pobo están feitos de segredos e recordos; os lindes do bosque, de contos e lendas; e o corazón das persoas de medo, odio, amor e esperanza, os catro sentimentos que nutren os seus soños e tamén os seus peores pesadelos.