Un venres de maio, con visos de ser un día perfecto, prodúcese unha explosión estraña nun edificio de Lyon. Nun dos pisos do inmoble, que queda reducido a entullos, vive un grupo de estudantes de distintos países que esa noite celebraba unha festa. Paul, alumno de Belas Artes; Emma, perseguida pola tortuosa historia da súa familia española; Luca, fascinado tanto polas matemáticas como polo ciclista Marco Pantani; e Ilka, unha estudante que deixou Berlín con só a súa guitarra ao lombo, son os inquilinos dunha vivenda moi frecuentada polos universitarios da cidade. No domicilio veciño, tamén afectado pola explosión, reside unha discreta familia marroquí, en aparencia ben integrada na vida francesa.