Antonio é un empresario galego cunha ambición desmedida. Cando por fin asume a dirección da fábrica de cadaleitos fundada polo seu pai, ata entón remiso a ceder a testemuña, dá un cambio radical ao negocio. Quere situalo no máis alto e pon a vista no sector do luxo. Iso lévao de viaxe por Houston e Ciudad de México, onde alcanza o éxito co que viviu sempre obsesionado. Pero apenas o toca, os seus soños desvanécense dunha inxusta e inexplicable maneira, capaz de facer perder a cabeza ao máis axuizado. Ao seu regreso a España vai percibir paulatina, dramática e irremediablemente que todo cambiou, e sen solución. Case nada é como era cando o deixou quince días antes: nin a familia, nin a casa, nin os amigos, nin o traballo, nin a cidade, nin o mundo, nin sequera el mesmo. Nada ten sentido, todo escapa ao posible. Que pasou? Como, en que instante ou circunstancia se distorsionó a realidade?