En 1950, once anos despois da súa estrea mundial, chegaba aos cines españois a película Foise co vento. A sociedade española, esfarelada polos desastres da guerra, pola pobreza e pola fame, andaba na procura da supervivencia na nova normalidade implantada polos vencedores, once anos despois de rematada a contenda. Porén, movéndose por un territorio indómito, un territorio que ocupaba boa parte da comarca do Bierzo e, particularmente, a comarca de La Cabrera, un grupo de homes e unha muller, cualificados como "bandoleiros", tiñan posto prezo ás súas cabezas, vivos ou mortos, con recompensas que poderían arranxar as vidas de delatores ou traidores.